Lønnetjæreflekk

Vertplanter

Lønnetjæreflekk er vanleg på spisslønn (Acer platanoides) og platanlønn (Acer pseudoplatanus).

Symptom/skadeverknad

Tjæreflekkane på blada vert opp til eit par cm i diameter. Dei er litt opphøgde frå resten av bladplata. Rundt flekkane er det ei tydeleg gul sone (Fig. 2). Ved kraftige angrep kan bladplatene gulna, krølla seg og falla av tidlegare enn normalt om hausten (Fig. 3), men vanlegvis gjer ikkje soppen særleg skade. Angrepsgraden varierer frå år til år og også frå tre til tre.

Tiltak

For å minska smittepresset, bør lauv rakast saman og fjernast. Dersom det vert lagt i ein kaldkompost, bør det dekkast med gras eller anna for å unngå smittespreiing frå infiserte blad neste vår.

Litteratur

Langnes, R. & Stensvand, A. 1996. Soppsjukdommer på grøntanleggsplanter. Kompendium Planteforsk, Plantevernet. 66 s.

               Publisert 17. november 2014