Heggebladflekk

Biologi

Biologien til Polystigma fulvum på hegg er lite kjent, men ein veit meir om den nære slektningen P. rubrum som er rapportert frå plommer og svisker i Tyskland, Ungarn, Serbia, Bulgaria, Russland, Irak, Iran og Tyrkia (Zehr 1995). Her vert det sagt at 26 timar med fuktig bladverk ved temperaturar mellom 11 og 30 °C kan føra til infeksjon. I og med at P. fulvum er ein sekksporesopp, produserer soppen kjønna sporar (askosporar) som kan spreiast over større område med vind.

Symptom/skadeverknad

På oversida av blada vert det danna oransjeraude flekkar på opp til 1 cm i diameter (Fig. 2). Flekkane er også godt synlege på undersida av blada, der dei er meir dempa i fargen. I tillegg er dei litt oppsvulma (Fig. 3).

Tiltak

Det er ikkje aktuelt med tiltak på hegg.

Litteratur

Zehr, E.I. 1995. Red leaf spot. I Ogawa, J.M. et al. (red.) Compendium of stone fruit diseases. APS Press. 98 s.